Á NETINU – 4 vikur

10.000kr.

STERKAR STELPUR Á NETINU!

Nú hafa STERKAR STELPUR prógrömmin hjálpað hundruðum kvenna að verða sterkari og heilbrigðari ásamt því að bæta sjálfstraust, útlit og heilsu. Áður hefur þetta verið í formi 16 vikna áskorana en nú ætlum við að breyta til… prógrömmin verða áfram ný, fersk og fjölbreytt en nú snýst þetta bara um að keppa við sjálfa sig!

Við leggjum áherslu á einföld en áhrifarík prógrömm þar sem allur líkaminn er tekinn fyrir á flestum æfingum. Við viljum ekki eyða of miklum tíma í ræktina og þannig er hægt að ná góðum árangri í prógrömmunum okkar með því að mæta 3x í viku í sirka klukkutíma í senn. Það er samt alveg meira í boði fyrir þær sem hafa meiri tíma og vilja mæta oftar.

Eftir 10 ár af prógrammagerð og þúsundir viðskiptavina vitum við hvað virkar og hvað virkar ekki. Við erum ekkert að flækja hlutina og eina sem þú þarft að gera er að reyna að gera betur í dag heldur en þú gerðir síðast. Appið sér svo um að þú vitir hvað þú eigir að gera til að gera betur en síðast og gefur þér high five fyrir allar bætingar 🙌

Við náum að halda kostnaði lágum með því að hafa bara 1-2 prógrömm í gangi í einu, þetta er ekki sérsniðið að hverri og einni en þessi prógrömm virka vel fyrir flestar konur. Við bjóðum líka alltaf upp á nokkrar æfingar til að skipta út ef þig vantar búnað eða getur ekki gert einhverja æfingu.

Þetta er ekki hefðbundin fjarþjálfun…við erum alltaf til staðar ef þig vantar aðstoð eða hefur spurningar en við erum ekki þarna til að vera klappstýran þín. Það er á ÞINNI ábyrgð að mæta, við sjáum um að þú vitir hvað þú eigir að gera en þú þarft sjálf að mæta. En þú ert samt alls ekki ein, það verður lokuð grúbba þar sem þið getið hvatt hvor aðra áfram og deilt sigrum og fengið góð ráð.

Innifalið í STERKAR STELPUR Á NETINU

  • STERKAR STELPUR APPIÐ: Allar æfingar og aðgangur að Skúla þjálfara í appi.
  • Innri vefur með mataræðisupplýsingum, markmiðasetningu o.fl.
  • Lokaður Facebook hópur þar sem þjálfari svarar spurningum og þátttakendur deila sigrum og vandamálum
  • Myndbönd af öllum æfingum ásamt góðum útskýringum með hverri æfingu.
  • Byrjendaprógramm fyrir þær sem hafa ekki verið með áður og eru að taka sín fyrstu skref
  • Heimaæfingaprógramm(með teygjum) þegar þú kemst ekki í ræktina
  • Heimaæfingaprógramm(með eigin líkamsþyngd) þegar þú kemst ekki í ræktina og átt ekki teygju

Viltu vita meira, sjá árangursmyndir og lesa umsagnir um STERKAR STELPUR? Allar upplýsingar hér

Hvernig virkar þetta?

Fyrsta mánudag hvers mánaðar kemur inn nýtt prógramm inn í appið með 3-5 æfingadögum, mismunandi milli mánaða en í grunninn eru alltaf þrír lyftingadagar þannig að þú þarft ekki að fara oftar en það. Prógrammið er líka sett þannig upp að vel er hægt að viðhalda og jafnvel bæta styrk með því að mæta 2x í viku. Hvert prógramm er inni í 8 vikur þannig að þú ættir alltaf að ná að klára 4 vikur af hverju prógrammi sama hvenær mánaðarins þú byrjar.

Bara til að hafa það á hreinu þá er þetta EKKI hefðbundin fjarþjálfun, við erum ekki að tékka á hverri og einni að hún sé að mæta. Það er á þína ábyrgð að spyrja spurninga og fá ráð fá þjálfara og í lokuðu grúbbunni til að fá sem mest úr þessu. Við búum til snilldar prógrömm og erum alltaf til staðar ef þú hefur spurningar en erum ekki í því að hvetja hverja og eina áfram eða neitt slíkt. Þú ert fyrst og fremst að kaupa aðgang að frábæru prógrammi, appi ásamt ótakmörkuðum aðgangi að þjálfaranum.

 

Greiðsluferlið

Við greiðslu með kreditkorti færðu beint aðgang að innri vefnum undir „Mín síða“ hérna ofar á síðunni. Þú færð svo boð í appið á 1-2 dögum

Við greiðslu með millifærslu getur tekið 1-2 daga að virkja aðganginn þinn. Ef einhver annar millifærir fyrir þig er nauðsynlegt að senda nafn og email á þeim sem skráði sig.